(UPDATE) University of San Agustin, mapasaka sang kaso sa nagpadala sa ila sang bomb threat

Iloilo City–Maga-file sang kaso ang tagdumalahan sang University of San Agustin sa suspek nga nagpadala sang bomb threat sa unibersidad sang nagligad nga semana.

Sa text message nga ginpadala sa aksyon radyo ni Reverend Father Jack Luna, director sang Philanthropic, External and Alumni Relations sang University of San Agustin, mapasaka sila sang kaso agud maghatag sang leksyon sa suspek nga si alyas Vic, 28 anyos.

Paandam man ini sa iban suno kay Father Luna nga seryoso nga bagay ang bomb threat.

Una na ginkumpirmar ni PSUPT Jonathan Pablito, hepe sang Police Station 1, nga person with special needs si Vic gani gin-release ini kag ginturn over sa iya ginikanan.

Wala pa mahibaluan kon san-o maga-file sang kaso ang eskwelahan. (AGB)