Mayor Joe Espinosa, ipalab-ot kay Pres. Rodrigo Duterte ang ginpahayag pagpamigos sang pihak nga grupo sa mga ‘uswag scholars’ bangud sa pulitika

ILOILO CITY — Plano ni Mayor Joe Espinosa nga makigsapol sa Commission on Higher Education ukon CHED kag ipalab-ot kay Presidente Rodrigo Duterte ukon kay Special Assistant to the President Bong Go ang ginpahayag pagtaktak sang masobra 20 ka mga scholars sa listahan sang Uswag Scholarship bangud sa pulitika.

Suno kay Espinosa, nagkadto sa iya opisina ang mga ginikanan sang mga estudyante kag nagreklamo nga gindagdag ang ila kabataan sa scholarship.

Ginpahayag sang alkalde nga indi dapat pag intrahan pulitika ang mga kabataan kun indi mag upod sa grupo.

Dugang pa niya, wala sang Uswag Scholarship bangud nationally funded ini. (JoMaque)