Lalaki, nabun-an kag nalabuan matapos ginkadlawan ang iya bayaw nga nahulog sa karabaw sa Passi City

Passi City, Iloilo–Nabun-an kag nalabuan ang lalaki nga nagkadlaw sa iya bayaw nga nahulog sa karabaw sa Sarapan, Passi City.

Ginkilala ang biktima kay Sherwin Pagayon, 32 anyos, nga may pilas sang pagkabuno sa dughan kag pagkalabu sa ulo. Arestado naman ang bayaw sini nga si Garry Catamin, 31.

Suno kay Supt. Arturo Fullero, hepe sang Passi City Police Station, base sa ila imbestigasyon, napikon si Catamin matapos nga ginkadlawan ini sang biktima sang nahulog siya sa karabaw. Nagpalagyo si Catamin apang nadakpan man sang mga barangay officials sang Sarapan.

Estable na sa Western Visayas Medical Center si Pagayon. (AGB)