(PULSO PULITIKA) Congressman Jerry Treñas, nagpanadlong nga nagpa-check lang siya kag wala na-confine sa ospital

Iloilo City–Gin-athag ni Congressman Jerry Treñas nga nagpa-check-up lang siya kag wala na-confine sa ospital.

Pagtadlong ini sang kongresista sa naglapta nga impormasyon nga na-confine siya sa St. Luke’s hospital sa Manila.

Suno kay Treñas, luyag niya lang nga maayo ang kondisyon niya antes mag-file sang certificate of candidacy sa pagka-mayor sa Oktubre 17.

Antes ang pag-file sang COC, may misa kag parada ang grupo nanday Treñas.

Sa grupo ni Treñas, ma-file ini sang COC sa pagka-mayor, si incumbent Vice Mayor Jeffrey Ganzon ang vice mayor kag si anay Councilor Jamjam Baronda ang kongresista. Maka-upod nila sa pag-file ang 10 ka kandidato sa pagka-konsehal. (AGB)