Dalagita, patay matapos nagbitay sang kaugalingon sa puno sang indian mango

Igbaras, Iloilo — Patay ang dalagita matapos naghikog pasado las-7 subong nga gab-i sa Igbaras (Oktubre 14).

Suno kay Chief Inspector Rogelio Tumagtang, OIC sang Igbaras Police Station, naga-edad sang 17-anyos ang naghikog.

Ginhigot sini sa iya leog ang sarong kag ginpakabit sa indian mango sa tupad sang ila balay.

Base sa imbestigasyon sang Igbaras Police, may nagluntad nga pagsabtanay sa tunga sang dalagita kag iya tiya antes siya nasapwan nga nagabitay sa puno.

Naga-trabaho sa luwas sang pungsod ang iloy sang dalagita suno kay Tumagtang kag naga-istar lang ini sa iya tiya.

Gindala pa sa Guimbal District Hospital ang babaye apang gindeklarar nga dead on arrival sang doktor. (JoMaque)