Lalaki, patay matapos ginbuno sang mag-utod nga iya man lang bayaw sa Mandurriao

Brgy. San Rafael– Patay ang 37-anyos nga lalaki pagkatapos ginbuno sang mag-utod, pasado alas 6:00 kagab-i, October 15

Gindala pa sa Western Visayas Medical Center si Gregorio Tabirao apang wala gid natabangan bangud sa patal nga pilas sa tuo nga parte sang iya leog.

May pilas man ang biktima sa likod kag dughan.

Suspek sa pagbuno ang iya man lang bayaw nga sanday Dan Kapaw-an nga gilayon nga na-aresto sang pulis kag Jigger Kapaw-an nga at-large tubtob subong.

Gin-aresto man ang isa pa gid ka utod sang mga suspek nga si Jessie Kapaw-an bangud siya ang nagbulig agud makapalagyo ang duha.

Sa initial nga imbestigasyon sang Mandurriao Police, may daan nga hiligut-anun ang magbayaw tubtob ginsulod sang mga suspetsado ang balay sang biktima. (JoMaque)