(PULSO PULITIKA) Grupo nga AlGoNa nanday Councilor Joshua Alim, Dr. Pacita Gonzales kag Councilor Plaridel Nava kag grupo ni Congressman Jerry Treñas, imposible nga mag-updanay sa 2019 elections suno kay Gonzales

Iloilo City–Imposible nga mag-updanay ang grupo ni Congressman Jerry Treñas kag ang grupo sang oposisyon nga ginabug-usan nanday Councilors Plaridel Nava, Joshua Alim kag Dr Pacita Gonzales.

Ini ang ginpahayag ni Dr Gonzales, asawa ni the late Justice Secretary kag Congressman Raul Gonzales, kadungan sang pagconfirmar nga gintawgan siya ni Mayor Joe Espinosa kag ginhambalan nga bayaan na siya nanday Nava kag Alim bangud nagtipyok na ang duha ka konsehal sa grupo ni Treñas.

Kasunod man ini sang natabu nga rigodon sa city council sa diin ginkakasan sang importante nga mga komitiba ang mga kaalyado nga konsehal ni Espinosa paagi sa resolution ni Nava kag ginsuportahan sang mga councilors nga identified sa kongresista.

Gin-athag ni Dr. Gonzales nga naglisensya sa iya si Nava sa natabu nga revamp sa city council bangud luyag sang konsehal nga makuha ang Committee on Appropriations agud punggan ang plano ni Espinosa nga dugangan ang mga job hires

Si Dr Gonzales nga magakandidato sa pagka-mayor sa 2019 elections ang kabahin sang AlGo Na upod kay Alim para sa congressman kag Nava para vice mayor. (AGB)