Wanted person sa Guimaras, patay sang ginpahayag nagbato sa kapulisan

Guimaras–Patay ang wanted person sa Guimaras matapos nga ginpahayag nagbato sa kapulisan nga maserbe sa iya sang warrant of arrest sa Sitio Casillan, Barangay Concordia, Nueva Valencia pasado alas-11 kaina sang aga, Oktubre 15.

Ginkilala ang napatay kay Luis Garde sang Oracon Norte, Nueva Valencia, nga may duha ka kaso sang rape. Gindeklarar ini nga dead-on-arrival sa ospital bangud sang duha ka pilas sang pagkatiro sa dughan kag isa sa tuo nga parte sang lawas.

Suno kay Chief Inspector Ahlie Estember, hepe sang Nueva Valencia Police Station, na-recover nila sa crime scene ang isa ka 38 caliber revolver kag mga bala. (AGB)