Guimbal Mayor Oscar Garin kag umagad nga si anay Health Secretary Janette Garin, nag-file sang COC sa pagka-kongresista sa first district

Provincial Comelec Office–Nag-file sang certificate of candidacy sa pagka-kongresista sa first district sanday Guimbal Mayor Oscar Garin kag iya umagad nga si anay Health Secretary Janette Garin.

Nag-file sang COC ang duha sa katapusan nga adlaw sang filing subong nga adlaw, Oktubre 17. Gin-ako ni Provincial Comelec Officer Elizabeth Doronila nga first time nga nakasugata siya nga tatlo ka miembro sang pamilya ang nag-file sang COC para sa isa ka posisyon.

Una na nga nag-file sa pagka-kongresista sa first district si incumbent Congressman Richard Garin nga bana ni anay Secretary Garin.

Magluwas sa tatlo ka Garin, nag-file man bilang independent candidate si anay Miag-ao Mayor Gerardo Flores. (AGB)