Government-issued high powered firearms, na-recover sa balay ni former Mayor Neptali Salcedo sang Sara
Iloilo City — Nagapati si Police Regional Office 6 Director John Bulalacao nga posible ginprenda ang m14 Winchester rifle nga may serial number 14201011 kag Ultimax 100 Mark 311 rifle nga may serial number 101836 kay former Sara Mayor Neptali Salcedo.
Lakip ang nasambit nga mga armas sa mga na-recover sa balay sang anay alkalde.
Wala si former Mayor Salcedo sa ila balay sang ginconduct ang police operation.
Ginpahayag naman ni Bulalacao nga wala sang posibilidad nga ma-issuehan sang amo nga armas si the late Ricky Salcedo nga anay pulis.
Si Ricky nga bata ni former mayor Salcedo kag ang iya hinablos nga si Nixon Salcedo Jr ang napatay bangud ginpahayag nga nagbato sa operating team nga nagserbe sang search warrant.
Ginpa-imbestigaran na ni Bulalacao kun sin-o ang nagapanag-iya sang nasambit nga mga armas kag kun paano ang mga ini nakalab-ot sa mga Salcedo. (JoMaque)