Retired police officer sa Estancia, gindakup bangud ginreklamo nga nagapakilala nga aktibo nga pulis kag nagapangotong sa mga RORO buses

Estancia, Iloilo–Gindakop sang Estancia police si retired SPO2 Francisco Osal sang Barangay Malbog, Estancia bangud sang extortion kag usurpation of authority.

Gindakop ini sa terminal sa amo nga banwa pasado las otso kaina sang aga, Oktubre 18.

Ginpahayag ni PCI Jonah Galicha sang Estancia MPS nga nagapakilala si Osal nga active member sang police kag nagasuksok man sang uniporme sang police kag nagapang-extort sa mga nagalabay nga roro buses. Nagalab-ut sa P100 ang sukot sini sa kada pasahero sang bus.

Nanindugan naman si Osal nga may pahanugot halin sa isa ka bus company ang pagkuha niya sang porsyento sa kada pasahero. Suno kay Osal, siya ang nagapagawad sang ticket kag diri niya ginakuha ang P100 sa kada pasahero.

Base sa impormasyon, kaupod sadto ni Osal si dismissed police Ricky Salcedo nga napatay sa police operation kahapon.

Preso sa Estancia Police Station ang nadakpan. (AGB/JM/NG)