Mga Muslim sa Sara handa nga magbulig sa kapulisan agud mapabilin ang kalinong kag katawhay sang banwa
Handa magbulig ang mga Muslim sa Sara police agud mapabilin ang kalinong kag katawhay sa banwa.
Pasalig ini ni Abdul Wahid Panambulan, presidente sang Sara United Muslim Association, kadungan sa pagtadlong nga indi armado ang mga Muslim sa banwa.
Nag-react ini sa ginbuyagyag sang hepe sang Sara Police Station nga may pamahug sila nga nabaton paagi sa text message nga palukpon sang mga Muslim ang banwa kon may malain nga matabu kay anay Mayor Neptali Salcedo.
Kasunod man ini sang pagserbe sang search warrants sa anay alkalde apang wala ini sa iya balay.
Napatay sa operasyon ang bata ni Salcedo nga si dismissed SPO4 Nerio “Ricky” Salcedo kag apo nga si Nixon “TJ” Salcedo Jr.
Gin-ako sini nga may kabalaslan sila kay former Mayor Salcedo apang legal man ang ginhimo sang mga pulis nga operasyon.
Dugang sini, nagkadto sila sa Sara agud magnegosyo kag manggamo.
Ngaa indi ko na stream ang akston radyo dire overseas (Australia).
Good afternoon sir. Sa Facebook page na kami subong naga-stream. Click the link: https://www.facebook.com/aksyonradyoiloilo720/