Mga pusil nga na-recover sa raid sa balay sang mga Salcedo kag iban pa nga na-angut sa ila, ipa-idalum sa forensic examination
Iloilo–Ipaidalum sa forensic examination ang mga pusil nga na-recover sa raid sa balay sang mga Salcedo kag iban pa nga personalidad sa Sara kag iban pa nga banwa sang Oktubre 17.
Suno kay Iloilo Police Provincial Office Director Marlon Tayaba, ipa-forensic examination ang tanan nga pusil kag may himuon nga cross-matching sa mga kapareho nga kalibre nga nagamit sa krimen.
Kun may mag-match suno sa iya nga pusil nga nagamit sa krimen, magahimo sila sang dugang nga imbestigasyon.
Posible mapasaka ang kaso sa mga subject nga nakuhaan sang pusil nga wala sang nagakaigo nga lisensiya sa masunod nga semana. (AGB/MO)