NFA Iloilo, nagtanyag sang incentive sa mga mabaligya sa ila sang humay
Iloilo City–Nagtanyag sang incentive ang National Food Authority sa mga mangunguma kag negosyante nga mabaligya sa ila sang humay.
Suno kay NFA OIC Tomas Escarez, P3.00 ang idugang nila sa P17.00 kada kilo nga balor sang humay nga uga na kag malimpyo.
Dugang dira, may incentive man nga mabaton ang mangunguma ukon negosyante kasubong sang delivery fee (P 0.20) kag kun miembro ka sang CDIF (P0.30).
Ginatun-an man sang NFA kag Department of Agriculture ang paghatag sang mga equipment kag iban pa sa mga mangunguma nga mabaligya sa ila sang dako nga volume sang humay.
Katuyuan sang lihok ang pag-engganyo sa mga mangunguma sa pagbaligya sang ila humay sa gobyerno.
Dugang niya, target man sang ahensiya nga madugangan ang buffer stock agud indi nila sila mag-import pa. (AGB/ATT)