Police Regional Office 6, ginakonsiderar nga seryoso ang pamahog sang nga nabaton sang Sara police matapos ang pag-raid sa mga Salcedo

Ginakonsiderar ni Police Regional Office 6 Director Chief Supt John Bulalacao nga seryoso ang pamahug nga nabaton sang Sara Police Station matapos ginserbihan sang search warrants si anay Mayor Neptali Salcedo kag iban pa nga na-angut sa iya.

Suno kay PRO 6 spokesperson Supt. Joem Malong, ginmanduan ni Bulalacao ang Iloilo Police Provincial Office nga usisaun sang maayo kon matuod ang pamahug paagi sa text message nga bombahan sang mga Muslim ang Sara kon may malain nga matabu sa anay alkalde.

Napasa naman sa Cybercrime Department sang PNP ang numero nga nagpadala sang mensahe. Samtang indi kinahanglan nga dugangan ang mga pulis sa Sara suno kay Malong bangud may nagaka-igo nga pwersa sa amo nga banwa kag sa katupad nga mga lugar.

Naga-apelar ang PRO 6 sang bulig sang publiko kag Muslim community sa Sara agud mapabilin ang kalinong kag katawhay sa banwa.