1st District Cong. Richard Garin, nagalaum nga makadesisyon na ang ila pamilya kon sin-o gid man ang magakandidato sa pagka-congressman

Iloilo  — Gin-ako ni Cong. Richard Garin nga wala pa naka-desisyon ang ila pamilya kon sin-o gid ang mapadalagan nga kongresista sa First District.

Nagahingyo ini sa taga-Premier Distrito nga maghulat-hulat lang bangud ipaguwa nila ang desisyon antes ang deadline sang substitution of candidates sa Nobyembre 29.

Una nag-file sang COC sa pagka-kongresista si Congressman Garin sang Oktubre 11 bilang independent. Sang Oktubre 17, dungan nga nag-file sang COC sa amo man nga posisyon ang iya asawa nga si anay Health Sec. Janette Garin sa idalum sang Nacionalista Party kag amay nga si Guimbal Mayor Oscar Garin bilang independent candidate.

Suno kay Congressman Garin, indi dapat pag-i-misinterpret ang ila hulag bangud ang padulungan sini, isa lang sa ila ang mapadalagan.

Magluwas sa tatlo ka Garin, nag-file man sanG COC sa pagka-kongresista si retired General kag anay Miag-ao Mayor Gerardo Flores. (JoMaque)