Kaso batuk sa suspek nga brutal nga pagpatay sa Grade 3 teacher sa Gemumua-agahon, Passi City, posible i-file sa masunod nga semana

Iloilo — Posible i-file sa Lunes (Oktubre 22) sang Passi City Police ang kaso batuk sa suspek nga nagpatay sa Grade 3 teacher nga nasapwan sa iya balay sa Barangay Gemumua-Agahon, Passi City sang Oktubre 15.

Suno kay Supt. Arturo Fullero, hepe sang Passi City Police Station, gina-preparar nila ang kaso nga robbery with homicide kag rape batuk kay June Aguilar, 34 anyos nga suspect sa pagpatay kay Ma. Corazon Tionson, 55 anyos.

Ginatinguhaan sang mga pulis suno kay Fullero nga madakpan ang suspect kag mahatagan sang hustisya ang kamatayon sang manunudlo.

Base sa autopsy result sa bangkay ni Tionson, ginlampusan ini sang matig-a nga bagay sa ulo, ginbuno sa likod kag gin-abusuhan sexual. (JoMaque)