(UPDATE) Suspek sa pagpangbuno sa San Antonio, Molo, napasakasaan na sang kaso
Molo, Iloilo City–Na-file na ang kaso batuk kay Rene Diocos Jr, suspect sa pagbuno-patay sa lola kag yaya kag pagpilas sa isa pa sa San Antonio Molo sang Oktubre 15 sang aga.
Suno kay PCInspector Marlon Valencia, chief sang Molo Police, gin-file ang kaso nga double murder kag frustrated murder batuk kay Diocos Jr.
Patay sa pagpangbuno si Teresita Tagriza, 74-anyos, kag ang timbang nga si Remedios Malaga, 52-anyos sang Sambaludan, Oton.
May duha ka mga witnesses nga nag-execute sang affidavit kag positibo nga gintudlo si Diocos Jr nga amo ang may kahimuan sa krimen.
Si Diocos Jr man ang ginatudlo sang survivor sa krimen nga si Julie Ann Peñafiel nga nagpangbuno sa ila.
Na-recover sa crime scene ang pulseras nga ginpahayag ginapanag-iyahan ni Diocos.
Ginpanghiwala sini nga siya ang nagbuno sa mga biktima kag ginpanindugan nga nagbulig lang siya.
Nakaguwa na si Peñafiel sa ospital samtang detained gihapon ang suspect sa Molo Police Station. (AGB/KJT)