(UPDATE) Sara Mayor Ermelita Salcedo, ginkwestiyon ang pamaagi sang pagserbe sang joint operatives sang search warrant sa ila balay

Iloilo–Ginkwestyon ni Sara Mayor Ermelita Salcedo ang pamaagi sang pag-search sang joint operatives sa ila balay sa Poblawion Ilawod, Sara sang Oktubre 17.

Suno kay Salcedo, natingala siya nga ginsulod na ang ila balay pero ginhambalan pa siya nga indi pa ato ang search bangud ginahulat pa ang mga witnesses.

Madamo suno sa iya sang barangay kapitan sa guwa sang ila compound nga wala ginpasugtan nga makasulod.

Ginpahayag ni Salcedo nga pati siya ginpahapa kag ginhigtan ang mga kamot samtang ginapangita sang mga otoridad ang iya bana nga si ex-mayor Neptali Salcedo.

Amo man sini ang ginhimo sa iban pa nga ara sa ila balay.

Nakita man suno sa iya ang mga pusil nga subject sa search pero ginpanindugan sini nga kumpleto ang mga ini sang lisensiya.

Samtang gina-istorya siya sang mga operatiba, nabatian na lang ang mga lupok sang pusil pero ulihi na kag sa Campo Delgado na siya ginpahibalo nga napatay ang bata sang ex-mayor nga si dismissed SPO4 Ricky Salcedo kag apo sini nga si TJ Salcedo matapos ginpahayag nagbatu sa kapulisan.

Gin-athag ni Mayor Salcedo nga wala siya gin-aresto kundi gin-imbitar lang siya may kaangtanan sa mga recoveries.

Ginpa-athag man sa iya sang police nga bisan may mga papeles nga na-recover para sa mga pusil pero kinahanglan pa nila gihapon mausisa kun genuine ang mga ini. (AGB/MO)

Additional information courtesy: Bing Pabiona, President, Iloilo Provincial Capitol Press Corp