Lalaki nga ginareklamo nagapalupok sang pusil kon mahubog sa Barotac Nuevo, ginserbehan sang search warrant; subject, nakuhaan sang pusil kag mga bala
Barotac Nuevo, Iloilo — Arestado ang 47-anyos nga lalaki sa Brgy. Agcuyawan Pulo, matapos nakuhaan sang pusil kag mga bala sang ginserbehan sang search warrant sang Barotac Nuevo police alas 6 kaina sang aga, Oktubre 20.
Ginkilala ang subject kay Franklin Benitez, residente man sang nasambit nga barangay. Suno kay PINSP Ray Pueyo, hepe sang Barotac Nuevo Municipal Police Station, madugay na ginareklamo sang mga residente sa lugar si Benitez bangud ginpahayag nga masami ini nga nagapinalupok sang pusil ilabe na kon hubog.
Na-recover sa subject ang isa ka unit sang .38 caliber revolver kag mga bala.
Sa pagpangusisa sang Barotac Nuevo police, ginhambal ni Benitez nga nagapangkay-o siya sang pusil rason nga madamo siya sang bala.
Kaso nga illegal possession of firearms ang atubangon ni Benitez. (JoMaque)