Asawa, nabun-an sang bana matapos namurag-muragan

Leganes — May minor nga pilas sa dughan ang asawa sang nabun-an sang iya bana las 11:20 Sabado sang gab-i (Oktubre 20).

Suno kay PO3 Manuel Maude, imbestigador sang Leganes Police Station, nagtambong sa family reunion ang mag-asawa nga alyas Tar kag alyas Jane, 34 anyos, sang nahubog ang bana.

Ginpahayag nga natulugan sa bangko si Tar kag sang ginpukaw ni Jane agud nga magpauli na sila, namurag-muragan ang bana.

Bangud nga may kutsilyo, nabun-an sini sang kutsilyo ang iya asawa.

Gindala sang bana sa ospital ang asawa. Wala naman sang plano nga magpasaka sang kaso ang asawa batuk sa iya bana. (JoMaque)