MOTION AGUD I-GRANT ANG FRANCHISE APPLICATION SANG MORE ELECTRIC AND POWER CORPORATION AGUD MANGIN POWER DISTRIBUTOR SA SYUDAD SANG ILOILO, GIN-APRUBAHAN SANG SENATE COMMITTEE ON PUBLIC SERVICES

Gin-aprubahan sang Senate Committee on Public Services ang motion agud i-grant ang franchise application sang More Electric and Power Corporation sa hearing nga ginpamunuan ni chairperson Senator Grace Poe kahapon.

Suno sa mga miembro sang komitiba nga ginabug-usan nanday Senators Poe, Migz Zubiri, Chiz Escudero, Sherwin Gatchalian kag Riza Hontiveros, ang franchise application sang MORE ang ila gintalakay bangud ini ang gin-endorso sang Kamara samtang wala pa gid natandog ang application sang Panay Electric Company ukon PECO.

Una nga nagtukod si Zubiri sang motion nga magtukod sang technical working group para sa transition kag pagsolbar sang mga isyu kag ginsuportahan ini nanday Escudero kag Poe.

Ginpasiguro naman ni Atty. Gregorio Ofalsa, director sang Legal Service sang Energy Regulatory Commission ukon ERC, nga indi madulaan sang elektrisidad ang Iloilo City.

Gin-aprubahan sang komitiba ang application for franchise sang MORE bisan pa ginhingyo ni PECO President kag CEO Luis Miguel Cacho nga ipa-iway ini kag ibalik sa House Committee on Legislative Franchises bangud maapektuhan ang pala-abuton kag progreso sang syudad.