Motion sang DOJ nga arestuhon si Senador Antonio Trillanes bangud sa kaso nga kudeta, ginbasura sang Makati RTC Branch 148; apang Proclamation No. 572 ni Presidente Rodrigo Duterte nga naga-void sang amnesty sang senador, gin-uphold sang korte
Makati–Ginbasura sang Makati RTC Branch 148 ang motion sang Department of Justice nga arestuhon si Senador Antonio Trillanes angut sa non-bailable sini nga kaso nga kudeta.
Ginpaguwa ni Judge Andres Soriano ang resolution kaina sang hapon, Oktubre 22.
Sang Setyembre 25, una na nga ginmandu ni Judge Elmo Alameda sang Makati RTC Branch 150 nga magpiyansa si Trillanes sang P200,000 sa separado nga kaso nga rebelyon.
Bisan nga gin-deny ni Judge Soriano ang motion sang DOJ nga arestuhon si Trillanes, gin-uphold naman sini ang Proclamation No. 572 ni Presidente Rodrigo Duterte nga nagadeklarar sang amnesty sang senador nga void.
Si Trillanes nga anay naval officer ang involved sa Oakwood mutiny sang Hulyo 2003, Marines standoff sang Pebrero 2006 kag Manila Peninsula incident sang 2007 batuk kay Presidente Gloria Arroyo.
Ginpreso si Trillanes kag mga kaupod sini nga Magdalo soldiers apang nahilway matapos ginhatagan sang amnesty ni anay Presidente Noynoy Aquino sang 2011. (AGB/more information from CNN Philippines)