(UPDATE) 9 ka sakada nga gin-masaker sa Sagay City sang Sabado, lunsay may mga pilas sa ulo

Sagay City, Neg. Occ.–Lunsay may pilas sa ulo ang siyam ka miembro sang National Federation of Sugar Workers nga ginpangtiro sa Hacienda Nene, Purok Firetree, Brgy. Bulanon sang Oktubre 20 sang gab-i.

Sa initial nga pagpangusisa sang Sagay City police, tatlo sa mga ginpamatay ang ginbubu-an sang gasolina kag gintutdan. Ginkilala ang mga ginsunog nga sanday Morena Mendoza, 49, Brgy Bulanon, Sagay City; Marcelina Dumaguit, 66 kag Rannel Bantigue, 41, lunsay sang Brgy Plaridel.

Gin-identify man ang iban pa nga biktima nga sanday Eglicerio Villegas; Angelie Arsenal; Paterno Baron; Rene Laurencio; kag duha ka menor-de-edad nga sanday Jomarie Ogahayon, 16 kag Marchtel Sumicad, 17 anyos.

Gindala sa FDN Memorial Chapel sa Sagay City ang mga bangkay.

Napilasan naman ang tatlo ka iban pa nga mga mangunguma kasunod sang insidente.

Una na nagpahayag si Police Chief Inspector Robert Mansueto, hepe sang Sagay City Police Station, nga nagapahunay-hunay sa ila tolda sa tunga sang kampo ang mga biktima sang gin-atake sang mga suspetsado. (AGB)