Councilor Ed Peñaredondo, nag-ako nga na-insulto sa panabat sang driver ni Councilor Jay Treñas angut sa pag-park sa iya parking area

Iloilo City–Nagpa-athag si Councilor Ed Peñaredondo sa away nila sang driver ni Councilor Jay Treñas bangud sang issue sa parking sa city hall kahapon, October 22.

Suno kay Peñaredondo, nag-parking sa space nga na-reserved sa iya ang salakyan ni Treñas.

Ginbalewala niya ini una kag nangita sang iban nga ma-parkingan pero naakig na siya sang nakita nga ara gihapon ang salakyan pagkahapon. Wala gid suno sa iya nag-effort ang driver nga masaylo ang salakyan sa bakante nga space.

Nainsulto pa gid si Peñaredondo sang ginsabat siya sang driver nga “Wala ko parkingan muh” sang iya ini ginpamangkot.

Gin-ako ni Peñaredondo nga nagtaas ang iya tingog pero nairitar lang siya sa panabat sang driver nga suno sa iya “guwapo” kag “panginmatyan sang mga agi.”

Ginpahayag ni Peñaredondo nga ginpapanaug niya sa salakyan ang driver pero wala niya ginpuwersa nga buksan ang salakyan. Wala man niya ginli-ab ang driver.

Suno kay Peñaredondo, “Gamay lang nga bagay pero kalaw-ay nga panulok sa imo daw subay. Ano tungod kay guwapo siya? Panumduman niya sa akon agi?”

Ginpa-blotter ni John Vincent Godilano ang ginhimo sa iya ni Peñaredondo.

Suno sa driver, sang tuyo na niya sayluhon ang salakyan ni Treñas kahapon, ginpalapitan siya ni Peñaredondo kag ginpuwersa nga magpanaug sa salakyan, ginbutong sa bayo kag ginpalantaw sa iya ang ngalan sa gutter

Nangayo man sya pasensiya kay Peñaredondo

Ginbalabagan ni Peñaredondo ang naka-park nga salakyan ni Treñas para indi makagguwa.

Ara pa ang salakyan ni Peñaredondo asta kaina sang aga. (AGB/MO/FE)