MORE Electric and Power Corporation, nagapanghanda na kon mangin pinal ang ila franchise bilang power distributor sa Iloilo City suno sa spokesman sang korporasyon

Nagapanghanda na ang MORE Electric and Power Corporation kon mangin pinal na ang ila franchise bilang power distributor sa syudad sang Iloilo tal-us sa PECO.

Suno kay Mr. Jonathan Cabrera, spokesman sang MORE, may calendar of preparations sila kag magapakig-angut ang korporasyon sa tukuron nga technical working group para masiguro ang matalunsay nga transition. Ginpatimaan ni Cabrera nga maga-hire sila sang ginabanta 80 tubtob 100 ka mga trabahador. Welcome man suno sa iya ang mga mahalin sa PECO.

Ginakabig naman ni Cabrera nga indi lang kadalag-an sang korporasyon ang pag-grant (in principle) sang Senate Committee on Public Services sang franchise application agud mangin power distributor sa siyudad kundi kadalag-an sang mga Ilonggo nga natak-an na sa madamo nga reklamo kontra sa PECO. (AGB)