Patong-patong nga kaso, napasaka na sa suspek sa paghimulos kag pagpatay sa Grade 3 teacher sa Passi City

Passi City–Ginpasakaan na sang kaso si June Aguilar, 34-anyos sang Gemumua-agahon, Passi City, suspek sa pagpatay sa maestra.

Suno kay Supt. Arturo Fullero, hepe sang Passi City Police Station, nagkalain-lain nga kaso ang ginhan-us kay Aguilar.

Rape with Homicide, Robbery, Illegal Possession of Firearms kag Possession of Illegal Drugs ang ginpasaka batok kay Aguilar sang Oktubre 21.

Gin-ako ni Aguilar ang pagpatay kag paglugos kay Ma. Corazon Tionson, 55-anyos, Grade 3 teacher sang Gemumua-agahon Elementary School sang Oktubre 14 sang gab-i.

Oktubre 15 na nasapwan ang bangkay sang maestra sa iya balay nga hublas, nabaklid ang kamot, may busal ang baba, ginbuno sa likod kag ginmartilyo sa ulo.

Nadakpan si Aguilar sa Barangay Agtabo sang Oktubre 20 sang aga.

Nakuhaan ini sang pistolized shotgun kag isa ka sachet sang shabu sa putos sang sigarilyo.

Si Aguilar ang parolado sa kaso nga murder nga nakomiter sini sa Jamindan, Capiz.

Buwas, Oktubre 24, natalana ilubong si Tionson sa Mandurriao.

Si Tionson ang tumandok sang Jaro, Iloilo City. (AGB/MO)