(UPDATE) PECO, magahimo sang tanan nga legal remedies matapos gin-grant sang Kamara kag Senate Committee on Public Services ang franchise application sang bag-o nga power distributor

Iloilo City–Indi pa tapos ang tanan para sa pPnay Electric Company.

Ini ang ginpabutyag ni Engr. Randy Pastolero, Vice President for Operations sang PECO, kasunod sang resulta sang hearing sang Senate Committee on Public Services nga naga-aprobar in principle sa legislative franchise sang MORE Electric and Power Corporationbilang bag-o nga power distributor sa syudad.

Suno kay Pastolero, duha lang ka statements ang buy-an sang PECO – una, indi pagpabay-an sang PECO ang electric supply sa syudad kag ikaduha, gamiton sang PECO ang tanan nga legal remedies angut sa ila franchise.

Ginpanindugan ni Pastolero nga may pamatuod ang PECO nga valid ang gina-uyatan nila nga extension sang frangkisa  nga ginhatag sang National Electrification Commission.  Ginrason ni Pastolero nga indi lang PECO ang power distributor nga naga-uyat sang extension sang franchise halin sa NEC.

Natukiban sa senate hearing nga nag-expire na ang legislative franchise sang PECO sang 1994 kag ang ila gina-uyatan amu ang gin-extend sang NEC. (AGB)