CA 2nd division, gin-uphold ang conviction sang Pasay City RTC Branch 118 kay Mr. Manuel Mejorada nga nagpamatbat nga guilty siya sa apat ka counts sang libel

Manila– Gin-uphold sang Court of Appeals Second Division ang conviction sang Pasay City Regional Trial Court Branch 118 kay Mr. Manuel Mejorada nga nagpamatbat nga guilty ang journalist sa apat ka counts sang libel kag ginsentensyahan nga mapreso sang duha ka tuig kag apat ka bulan nga minimum tubtob apat ka tuig kag duha ka bulan nga maximum nga iya dungan serbihan.

May kaangtanan ini sa kaso nga gin-file ni Senador Franklin Drilon matapos gin-akusaran ni Mejorada sa iya social media kag blog posts nga nagpangurakut sa mga infrastructure projects sa Iloilo.

Naga-cover ang kaso sa pag-angut ni Mejorada kay Drilon sa ginpahayag anomaliya sa pagpatindog sang Iloilo Covention Center, Iloilo Circumferential Road sa Ungka, Pavia kag Guimaras-Iloilo Ferry Terminal.

Gin-note sang korte nga gin-portray ni Mejorada si Drilon nga nagapasilabot sa mga proyekto sa Iloilo, nagamanipular sang mga ini kag nagaganar.

Suno sa CA, may intention ang akusado nga halitan ang reputasyon, kredito kag virtue ni Drilon kag gina-expose ini sa kaakig sang publiko.

Suno pa sa CA, wala nakatutok ang libel sa kon ano ang buot silingon sang writer kundi kon ano ang buot silingon sang mga tinaga nga iya gingamit.

Gin-pen ang desisyon ni Associate Justice Ma. Luisa Quijano-Padilla kag nag-concur sanday Associate Justices Remedios Salazar-Fernando kag Franchito Diamante.

Ginatinguhaan sang Aksyon Radyo nga makuhaan sang komento si Mejorada. (JoMaque)