(UPDATE) 3 sa 4 ka suspek sa pagtiro patay sa mag-amay sa Lemery, gin-identify sang police

Lemery, Iloilo–Ginpasaka-an na sang kaso ang apat ka suspetsado sa pagtiro patay sang amay upod ang iya duha ka tu-ig nga bata sa Brgy. Cabantohan sang Oktubre 8.

Ini ang gin-confirmar PInsp. Ariel Buenavista, hepe sang Lemery Police Station.

Suno kay Buenavista, tatlo sa mga suspects ang nakilala nga sanday Rey Destacamento, Nixon Bejico kag Joseph dela Torre.

Si Destacamento ang gintumod nga mastermind samtang si Dela Ttorre ang gintudlo sang mga witnesses nga gunman gamit ang m16 rifle.

Ginpasakaan sang kaso nga double muder ang tatlo lakip ang isa ka John Doe.

Daan nga hiligut-anon ang ginsunod nga motibo sang police sa pagpatay kanday Dexter, 39, kag Kian Peñalosa. (AGB)