(UPDATE) Councilor Joshua Alim, nagapati sa pasalig sang Energy Regulatory Commission nga indi madulaan sang power supply ang syudad kon maga-take ang bag-o nga power distributor

Iloilo City–Gindula ni Councilor Joshua Alim ang kahangawa sang mga pumuluyo sa posibilidad nga madulaan sang supply sang elektrisidad sa syudad sa tion nga i-take over sang MORE Electric and Power Corporation ang power distribution.

Suno sa konsehal, ginpasiguro sang Energy Regulatory Ccommission sa senate Committee on Public Services hearing nga wala sang matabu nga blackout. Bisan ang presidente sang Panay Electric Company suno sa iya ang nagpasalig man nga indi sila mag-untat sa pag-supply sang elektrisidad sa syudad tubtub nga mahitso ang tanan.

Pagatun-an man sang technical working group ang smooth transition suno pa kay Alim.

Gintukod ang TWG kasunod sang pag-aprobar sa senate committee hearing sang franchise sang MORE Electric and Power Corporation. (AGB)