(UPDATE) Fact-finding mission sang human rights group kag pila ka progresibo nga grupo angut sa pagmasaker sa 9 ka sakada sa Sagay City, igasumiter sa Makabayan bloc sa Kamara

Neg. Occ.— Naghimo sang duha ka adlaw nga fact-finding mission ang human rights group nga Karapatan national upod ang pila ka progresibo nga grupo angut sa pag-masaker sa siyam ka bag-o recruit nga miembro sang National Federation of Sugar Workers sa Hacienda Nene, Barangay Bulanon, Sagay City.

Suno kay Reylan Vergara, vice chairman sang Karapatan national, sa una nga adlaw sang ila fact-finding mission, nagaguwa nga lunsay mga miembro sang NFSW ang mga napatay. Natukiban man suno sa iya nga antes natabu ang pag-masaker, nakita ang presensya sang special civilian armed forces geographical unit active auxiliary ukon SCAA nga nagalagaw sa lugar.

Ginkatingala nila kon ngaa wala nakaresponder sa crime scene ang SCAA bisan duha lang ka kilometro ang kalayuon sang ila headquarters.

Ipadala sang Karapatan national ang resulta sang ila imbestigasyon sa Makabayan bloc nga nag-sponsor sang house bill agud imbestigaran ang massacre. (AGB)