Mayor sang Malay, Aklan, gin-suspendir sang Ombudsman

Malay, Aklan – Ginpapanaugan sang Office of the Ombudsman sang preventive suspension si Malay, Aklan Mayor Ciceron Cawaling.

Gin-confirmar ini ni Interior Secretary Eduardo Año nga yara subong sa Boracay para sa reopening sang isla sa Oktubre 26.

Suno kay Año, epektibo subong nga adlaw ang suspensiyon kay Cawaling kag magalawig sang anum ka bulan.

Nag-ugat ini suno sa iya sa reklamo nga ginpasaka batuk sa alkalde may kaangtanan sa ginpahayag pagpabaya kag mga environmental problems sa Boracay nga sakop sang Malay.

Si Vice Mayor Abram Sualog ang maga-serbe nga acting Mayor tubtob matapos ang suspension ni Cawaling.

Sang Hunyo, nagpasaka ang DILG sang mga reklamo kriminal kag administratibo batuk sa 17 ka opisyal sang Aklan. (JoMaque)