MSWDO sa Pototan, gin-ransack

Pototan, Iloilo — Gin-ransack ang opisina sang Municipal Social Welfare and Development Office ukon MSWDO sang Pototan sang Oktubre 24.

Suno kay Chief Inspector Ronnie Brillo, hepe sang Pototan Police Station, naglab-ot sa P104,000 ang nadula sa drawer nga ginpang-ukay sang suspetsado.

Nagapati si Brillo nga saulado sang kawatan ang area bangud madasig sini nakuha ang kwarta.

Nakasulod sa opisina ang suspek paagi sa pagkakas sang kandado sa main door sang opisina.

Gina-review na suno kay Brillo ang mga CCTV cameras sa area para makilala ang suspetsado. (JoMaque)