Resulta sang autopsy sa bangkay sang 2 ka miyembro sang pamilya Salcedo, indi pa mapaguwa sang NBI

Iloilo City (UPDATE) — Nagpamalibad si Dr. Nicasio Botin, medico-legal officer sang National Bureau of Investigation 6, nga ipaguwa ang findings sang autopsy sa bangkay nanday dismissed SPO4 Ricky Salcedo kag hinablos nga si Nixon “TJ” Salcedo Jr.

Napatay ang duha sang ginpahayag nagbatu sa mga operatives sang gin-serbehan sang search warrant sa one time big time police operations sa fifth district sang Oktubre 17.

Suno kay Botin, nag-request ang asawa ni Ricky kag iloy ni Nixon sang autopsy. Nag-request man sila suno sa iya sang tul-id nga imbestigasyon sa natabu.

Nagpa-athag si Botin nga naghingyu ang pamilya nga indi pag-ipaguwa ang resulta sang autopsy kun indi pa matapos ang imbestigasyon. (JoMaque)