Oplan Undas Ligtas Biyahe, ginlunsar sang Coast Guard Western Visayas agud masiguro nga safe ang pag-obserbar sang All Saints’ Day kag All Souls’ Day

Iloilo City–Naka-alerto ang Coast Guard Western Visayas matapos ginlunsar ang Oplan Undas Ligtas Biyahe para masiguro nga wala sang mga insidente sa pag-obserbar sang All Saints’ Day kag All Souls’ Day.

Sa interview sang PNA, ginpahayag ni Coast Guard 6 Spokesperson Lieutenant Commander Ramil Palabrica nga target nila nga ma-secure ang mga pasahero nga magabiyahe sa mga puerto kag ferry terminals sa rehiyon.

Nagpahamtang ang Coast Guard sang Passengers Assistance Desks sa mga puerto agud mag-akomodar sang mga reklamo kag concerns. Istrikto man nga gina-monitor ang mga masaku nga ports sa Dumangas, Caticlan, Guimaras, Lapuz kag Iloilo Ferry Terminal.

Kaupod sang Coast Guard ang team halin sa PNP, Department of Transportation, Philippine Ports Authority, Maritime Industry Authority kag Philippine Coast Guard Auxiliary. (AGB/PNA)