Presidente Rodrigo Duterte, satisfied sa anum ka bulan nga rehabilitasyon sa Boracay suno kay Presidential Spokesperson Salvador Panelo

Malacañan–Satisfied si Presidente Rodrigo Duterte sa resulta sang anum ka bulan nga rehabilitasyon sa Boracay kag gindayaw ang tanan ilabe na ang inter-agency task force bangud sa kooperasyon.

Ini ang pahayag ni Presidential Spokesperson Salvador Panelo sa liwat nga pagbukas sang Boracay sa mga turista kahapon, Oktubre 26.

Madumduman ginbansagan sang presidente nga ‘cesspool’ ang Boracay bangud sang mahigku nga tubig kag mga environmental problems dala sang malawig nga pagpabaya kag wala na-manage nga sewerage system.

Kasunod sang pahayag sang presidente, ginmandu sini ang pagsirado sang isla sang Abril 26 para sa rehabilitasyon.

Nagpromisa ang Boracay inter-agency task force nga pabaskugon ang implementasyon sang mga environmental ordinances agud mamentinar ang katahum kag katinlo sang isla. (AGB/PTV)