Walk-in tourists, indi pwede sa bag-o nga #Boracay – Malay OIC Mayor Abram Sualog
Boracay Island, Aklan – Ginpahanumdom ni Malay, Aklan OIC Mayor Abram Sualog sa mga turista nga indi pagpasugtan nga makasulod sa isla ang wala sang mapakita nga booking sa compliant nga accommodation establishments.
Indi na pwede ang walk-in tourists suno kay Sualog matapos nga liwat ginbuksan ang isla subong nga adlaw, Oktubre 26.
‘Acting Mayor’
Nagpungko si Sualog nga acting mayor matapos nag-umpisa subong nga adlaw ang 30-day preventive suspension kay Mayor Ciceron Cawaling nga ginpapanaug sang Ombudsman angut a ginpasaka nga kaso sang DILG.
Una na ginpahayag ni DILG Asec. Epimaco Densing III nga ginatos ka mga hotels, restaurants kag mga establishments ang gin-issuehan ni Cawaling sang mayor’s permit bisan wala sang nagakaigo nga dokumento kasubong sang Fire Safety Inspection Certificate. Ini ang basehan sa pagpasaka niya sang kaso batuk sa 17 ka mga government officials sa Malay lakip nanday Mayor Cawaling kag Aklan governor Florencio Miraflores. (JoMaque)