179 ka mga Ilonggo, kabahin sa magasumpa bilang candidate soldiers sang Philippine Marine Corps

Iloilo–Magasumpa bilang candidate soldiers ang 179 ka mga Ilonggo kag iban pa nga nakapasar sa entrance examination para mangin kabahin sang prestihiyoso nga Philippine Marine Corps.

Suno kay Captain Jieve Ajijul PN (M), officer in charge sang Philippine Marine Corps Mobile Recruitment Team, pagkatapos nga magsumpa ang mga aplikante sa Sta. Barbara Town hall las 8:00 bwas sa aga, Oktubre 30, madiretso sila sa Cavite para sa military training kag education sa sulod sang anum ka bulan.

Samtang naga-training, makabaton ang mga candidate soldiers sang ginabanta P22,000 nga sweldo kada bulan lakip na ang ila extra allowance suno kay Captain Ajijul. (AGB/ATT)