Construction worker sa Pavia, gintiro sang iya tiyo, patay
Pavia, Iloilo — Wala na natabangan ang 30-anyos nga contruction worker matapos gintiro sang iya man lang tiyo kagab-i, October 28.
Ginkilala ang biktima kay Epifanio Inggaray sang Zone 6, Ungka I. Napilasan sa likod si Inggaray nga naglapos sa iya tiyan.
Suspek sa pagtiro sa biktima si Tommy Canja, 25-anyos sang Calinog nga madasig nagpalagyo pagkatapos sang insidente.
Sa imbestigasyon sang Pavia Police, naakig ang suspetsado matapos gin-intrahan sang biktima ang iya kabuhi.
Ginsaway sang biktima ang suspek bangud may ginalive-in ini nga may bana.
Ginpahayag nga ginsulong sang suspek ang biktima sa iya balay. Gintawag ni Canja si Inggaray pero wala nagsabat kabangdanan ginling-ling sa bintana kag nakita ang biktima.
Ginpahayag nga ginpasulod sang suspetsado ang kanyon sang pusil sa bintana kag gintiro ang biktima. (JoMaque)