Welder nga manugsakay sa RoRo Vessel sa Dumangas, gin-aresto matapos naglahog nga may dala nga bomba; Subject, nakuhaan pa sang illegal nga druga
Dumangas, Iloilo — Gindakup sang guwardiya sang RoRo Port sa Brgy. Tabucan, Dumangas si Luisito Monares alyas “Tikboy”, 46 anyos sang Brgy. Singcang Airport, Bacolod City matapos naglango-lango nga may dala nga bomba.
Suno kay Monares, lango-lango niya lang nga may dala siya nga bomba bangud mabug-at ang iya dala nga bag.
Wala man ini sang ideya nga sala ang maglango-lango sa mga terminal gani naghinulsol siya sa iya ginhimo.
Suno naman ni PO2 Terrence Sabio, imbestigador sang Dumangas Police Station nga gin-ako ni Monares nga naglango-lango lang siya.
Sang gindala sa police station si Monares kag ginrekisa, nakuhaan pa ini sang suspected shabu sa iya nga sapatos.
Si Monares ang nagatrabaho nga welder sa Megaworld, Mandurriao.
Ginpanghiwala naman ni Monares nga iya ang narecover nga illegal drugs. (JoMaque)