Proseso sa pagpili sang mga personnel nga i-deploy sa Bureau of Customs, suguran na sang Armed Forces of the Philippines suno sa military official
Iloilo–Umpisahan na sang Armed Forces of the Philippines (AFP) ang proseso sang pagpili sang mga personnel nga magapungko sa Bureau of Customs matapos ginmandu ni Presidente Rodrigo Duterte nga ipaidalum sa military control ang ahensya.
Suno kay Colonel Benedict Arevalo, commander sang 301st Infantry Brigade sang Philippine Army, una nga requirement sa pagpili sang personnel ang matinlo nga reputasyon. Ang kinahanglan suno sa iya nga personnel nga magahalin sa Air Force, Navy kag Philippine Army ang may ikasangkol kag eksperyensya man sa trabaho sang customs.
Sa pagkahibalo ni Arevalo, may mga selected positions sa customs nga dapat ilisan sang military bangud indi puwede nga tanan nga AFP personnel ang ibutang sa ahensya bangud pagakulangon man sila sang suldado.
Ginpahayag ni Arevalo nga wala pa sang timetable sa selection process sang AFP apang tinguhaan nila nga matapos sa labing madali nga panahon base man sa mandu sang presidente. (AGB)