Biyahe sang mga sea vessels, regular sa Nobyembre 1 kag 2 suno sa Coast Guard

Iloilo City–Regular ang biyahe sang mga fast crafts, RORO vessels kag pumpboats sa Nobyembre 1 kag Nobyembre 2.

Suno kay Lieutenant Commander Rodolfo Dela Peña, commander sang Coast Guard Iloilo Station, wala sila sang may nabaton nga kanselasyon sang biyahe halin sa mga shipping companies kag motorbanca association nga nagabiyahe sa Jordan kag Buenavista, Guimaras.

Naka-plastar naman suno sa iya ang ila mga pagsulundan sa mga magabiyahe sa tigkalalag. May gindeploy nga k9 team sa mga terminals kag sea ports sa Iloilo kag bisan sa Guimaras.

Suno pa kay dela peña, nakahimo na sila sang random inspection sa Ortiz kag Parola wharves agud mapunggan ang pagsulod sang mga kontrabando.

May ginpahamtang man nga passenger assistance desk sa mga pantalan agud mag-akomodar sang concerns sang mga pasahero. (AGB)