PDEA 6, nagconduct sang random drug test sa mga driver kag konduktor sa San Pedro Terminal

Iloilo City — Nagconduct sang random drug testing ang PDEA 6 sa mga driver sang van kag bus lakip sa mga konduktor sini sa San Pedro Terminal sa Molo.

Suno kay Agent Jay-R Espares, Assistant Team Leader sang PDEA 6, ang lihok ang kabahin sang ila ‘UndaSpot’ agud maseguro ang safety sang mga pasahero subong nga Tigkalalag.

Walo ka mga driver ang ginpaidalum sa drug test kag negative ang resulta sang pito tubtob 3:30 subong nga hapon.

Nagapadayon pa ang screening sa ulihi nga driver sang van.

Gin-abi ani naman ni Wilson Delos Santos, driver sang van ang lihok.

Suno kay Delos Santos, wala siya nakulbaan sa drug test bangud wala man siya sang kaangtanan sa illegal nga druga.

Una na nga nagconduct ang PDEA sang random drug testing sa Ungka Terminal kag Ceres Terminal sa Jaro. (JoMaque)