Retired teacher, patay sa aksidente sang motorsiklo sa Banate

Banate, Iloilo— Patay ang retired teacher nga si Hermogenes Caporte, 72 anyos sang Brgy. Bariga, Banate, kasunod sang pagbunggu-anay sang iya ginamaneho nga motorsiklo sa isa pa ka motorsiklo kaina, Oktubre 31.

Suno kay SPO4 Archie Agno sang Banate Police Station, gindeklarar nga dead-on-arrival sa ospital sa Barotac Viejo ang biktima bangud sang patal nga pilas sa ulo.

Halin sa Barangay Dela Paz ang motorsiklo nga ginamaneho ni Raffy Beboso, 29 anyos sang Brgy. Bariga, sang nag-overtake sa isa ka salakyan kag nabungguan ang nasumalang nga motorsiklo nga ginamaneho naman ni Caporte.

Ginabulong man sa ospital si Beboso bangud sang pilas sa lawas kag ulo. (AGB)