(UPDATE) Sara Mayor Ermelita Salcedo, nanginwala nga gin-untat sang LGU ang fuel subsidy sa police station
Sara, Iloilo–Nagpa-athag si Mayor Ermelita Salcedo nga wala gin-untat ang fuel subsidy sang police station sa banwa.
Ini ang reaksyon ni Salcedo matapos ang pahayag ni PSI Ascension Ortizo, hepe sang Sara MPS, wala sila gintugtan sang Ghall Gasoline Station nga magpatughong.
Suno kay Salcedo, posible wala mahitso sang police ang ila mga dokumento rasun wala mabayran ang bill sa gasolinahan. Nagpasalig ang alkalde nga 100 porsyento ang suporta sang iya liderato sa mga pulis.
Ang Sara Police Staton, may P20,000 nga balor sang fuel subsidy halin sa LGU kada bulan. (AGB/NG)