1 patay, 2 pilason sa bunggu-anay sang tricycle kag Navara sa Sara

Sara, Iloilo – Patay si Labigan, Sara Barangay Kagawad Hernani Canindo samtang pilason ang duha ka kaupod sang nabungguan ang ila ginasakyan nga tricycle sang Navara sa Barangay Apologista, mga 7:45 subong nga gab-i, Oktubre 31.

Madamo ang pilas nga naagom ni Canindo sa iya lawas. Samtang pilason ang driver sang tricycle nga si Junmar Dador, 40 kag pasahero nga si Eduardo Paelmarin, 51 lunsay residente sang Barangay Labigan.

Suno kay Police Officer 3 Adonis Sindol sang Sara Police Station, halin sa banwa sang Sara ang tricyle, sakay ang tatlo kag pauli na kuntani sa ila lugar.

Apang nagbalik ang tricyle kag ginpahayag nga ‘gin-cut’ sini ang dalan sang Navara nga gina-maneho ni Rolly Nepumuceno sang Estancia kag nabunggu-an.

Padulong sa direksiyon sang Estancia ang Navara sang natabu ang bunggu-anay. Gin-custody naman sang mga pulis si Nepumuceno.

Padayon pa ang imbestigasyon sang mga police sa natabu. (JoMaque)