LOLA KAG IYA DUHA KA APO GINAPATIHAN NAPATAY SA SUNOG NAGLAMON SA LIMA KA MGA PAMALAY SA JARO KAINA SANG KAAGAHON

Lima ka balay ang nasunog MH Del Pilar, Jaro pasado alas tres kaina sang kaagahon.

Totally-gutted ang balay ni Natividad Fanunciano, Rolando Arguilles kag Zenaida Ruis samtang partially-damaged ang balay ni Nida Jeruta kag Milagros Sibag.

Ginpahayag nga nagsugod ang kalayo sa balay ni Natividad Fanunciano.

Sa imbestigasyon sang Bureau of Fire Protection, naghalin sa kandila ukon kuryente ang kalayo sa balay ni Fanunciano.

Ginabanta sa 400 mil pesos ang kahalitan sang sunog.

Samtang wala makaguwa sa balay ang maglola sa nagluntad nga sunog MH Del Pilar, Jaro pasado alas tres kaina sang kaagahon.

Ini matapos may na-recover nga bangkay sa second floor sang balay ni Natividad Fanunciano.

Ginapatihan sang Bureau of Fire Protection nga lawas nanday Fanunciano kag duha sini ka apo ang na-recover sang naabo nga balay.

Indi na makilala ang mga bangkay bangud na-upos gid sa sunog.

Posible suno sa BFP nga na-trap ang mga biktima.

Antes ang sunog, nagsindi pa sang kandila pasado alas 7:00 kagab-i ang maglola nga sanday Natividad, Ivan kag Iman.