Barangay tanod, nabun-an sang iya kaupod sa ilimnan
Lemery, Iloilo–Napilasan sa tiyan ang barangay tanod sang Barangay San Antonio matapos ginbuno sang iya man lang kaupod sa ilimnan sang Nobyembre 1 sang gab-i.
Ginkilala ang biktima kay Roberto Dime, 39 anyos, samtang ang suspect ginkilala kay Edgar Arbis, 50 anyos sang amu man nga barangay.
Suno kay Police Inspector Ariel Buenavista, hepe sang Lemery Police, antes pa man natabo ang insidente, magkaupod ang duha nga naga inom-inom sa tyangge sang ginpahayag nga nakakita sang kontra si Arbis.
Bangod barangay tanod sa lugar si Dime, ginsaway niya ang duha apang posible nga wala namati sa iya si Arbis rason nga nasakit niya ang suspek.
Agud nga indi maglala ang sitwasyon, ginpakamaayo sang tanod nga idul-ong sa iya balay si Arbis apang pag-abot sang duha sa balay, ginbuno sang suspect ang biktima.
Confined sa Western Visayas Medical Center (WVMC) ang biktima samtang ginapreparar ang pagpasaka sang kaso batuk sa suspect nga preso sa Lemery Police Station. (AGB)