Punong Barangay sang Concepcion, City Proper, nag-sorry matapos ginreklamo ang tarpaulin niya nga ginbutang sa guwa sang mga patyo

Iloilo City — Nag-sorry si Concepcion, City Proper Punong Barangay Madonna Martin sa mga na-offend sa tarpaulin nga may litrato niya nga gintakud sa entrance sang Molo Public Cemetery sang Nobyembre 1.

Ginpanindugan ni Martin nga wala siya sang labot sa pagpanakut kag ang iya mga supporters ang may ihibalo diri. Gin-ako ni Martin nga gintawgan siya ni Mr. Jonathan Sayno sang City Comelec apang ginhambalan lang nga wala siya sang violation sa gintakud nga tarpaulin.

Ginkakas sang Molo Parish volunteers ang tarpaulin kag nagpanawagan nga indi paglaktan sang pulitika ang All Saints’ Day kag All Souls’ Day. Si Martin ang nagapadalagan nga konsehal sa 2019 election bilang independent candidate. (JoMaque)